"Hindisuhu marbuu kaa ridaa hogobyo shaydaane"

Odaygii Siilaanyo oo xaalkiisu bariga dhexe yahay. Adeer Ingriis markii xaalkiisa la fahmi waayay buu odaygu qaatay moqorafad yar oo Turkey inta la tegay yiri, "Wixii horeba quba" oo gaal ingriis waxba isuma nihin ee Turkiyow soo deg! Turkey oo kala go'a waxa la yiraah uga xanaaqa sida Bisaddu jiirka uga xanaaqdo ayaa odaygoo Siilaanyo iyo kii Been-Bidaar iyo Cadow toosiye oo murqaansani u galeen.
Sidan ayaa hadalkoodii u dhaqay.

Axmed: (Turkey foreign minister) Waan ku farxsanahay in walaalahayaga Soomaaliyeed nagu soo booqdaan wadankayaga. Aad baana idiin soo dhawaynaynaa.

Been Bidaar: Fadlan Soomaaliland dheh.
Oday Siilaanyo:(Inta isha ku gubay Been Bidaar yiri) jooji.
Axmed: Soomaali meel kasta oo ay joogto waxaan ku tari karo waa ku taraynaa.
Oday Siilaanyo: Waad ku mahadsantihiin waxtarkaa, waxaanse kale oo rabnay inaad naga caawisaan siyaasad ahaan oo aad na aqoon sataan. Turkiga iyo anaga taariikh badan baa naga dhaxaysa. Misaajidka dhulkakayaga ugu da'da wayn Turki baa dhisay. Dee dad badan oo asal ahaan Turki ku aroorana waanu leenahayba oo dee ninkan (Been Bidaar) baaba ka mid ah. Misaajidkaasi wuxuu ku yaalaa magaalo qadiimo ah oo la yiraahdo hmm..ooo war maxay ahayd magaalo xeebeedkii?
Xagla-toosiye: (Oo is hayn kari waayay)..haa dee Berbera weeyaan!
Axmed: (Oo ilka cadayntii joojiyay) Soomaaliya waa wadan qur ah. Qabiil meel goobaabtay wadan ma noqon karo. Turkigu wuu taageerayaa Soomaali meel kasta oo ay joogto. Idinkana waxaan idinku caawinaynaa sidaad Soomaali ahaan ugu wada hadli lahaydeen. Turkiga siyaasadiisu waa mid. Soomaaliya oo mid ah. Taas ayaa noo qorshe ah. Caawimo sida Soomaaliya oo dhan aan ugu gayno ayaan idinku keenaynaa.
Siilaanyo: Dee Qabiil kaliya meesha ma oodan ee dadka dhulkaas dega oo dhan fikirka waa ku wada socdaan. Beentan iyo huuhaada Bariga laga sheegayo ma jirto oo ninkan ayaa ka wakiil ah war Saleebaan hadal dee. War miyuu hurdaa?
Been Bidaar: Haa wuu yara gashadaye iska daa.
Xagla toosiye: (Oo dubaabtii ka duushay isna ogayn meeshuu joogaa)..yes haa SSC waa xaq u dirir..hmm sorry I mean ..Jamhuuriyadda Soomaliyeed...ooh oops..I meant Jamhuuriyadda Somaliland
Axmed:  (OO ilka cadaynaya) Anigu markaan leeyahay qabiilba meel buu ootay Soomaaliya oo dhan baan ka wadaa. Qabiil dowlad ma noqdo. Waana kala hadalnay Madaxweynaha Soomaaliya sidii qabiilada Soomaaliya la isugu keeni lahaa oo ay uga bixi lahaayeen fowdada.
Siilaanyo: (OO akhristay damiin far wayn baa wax loogu qoraaye) Hadda maxaad naga caawin kartaan dhaqaale ahaan?
Axmed: Si kasta oo aan idiin caawin karno waan idiin caawinaynaa.

Safarkii ka bacdi ayay nimankii wada socday is cuneen. Waxaa la sheegay in Xagla toosiye lagu yiri waxaad tahay ma gudbe. Sidaad dadkii ku doortay ula hadhay baad Soomaali Land la hadhay. War nujub baabad tahay. 4 Sanno baa boqorow lagu hayay oo aad laba ulood kala jebin wayda. 1 sanno bay kuwan Khaatumo na waaleen. 5ta bilood ee aad nala joogtayna olol baad noola soo gashay. Siidii oday Siilaanyo qudbada u akhrinayay buu xaga Xaglo eegay mise wuuba khuurinayaa. Cadho ayuu odaygiina macasha laa laadshay.

Been-Bidaar baa inta microphone qabsaday yiri "Turkey Wakiil bay noo soo magacaabaysaa". Odaygii Siilaanyo intuu diyaaradda soo saarnaa buu go'aan gaaray: "Meesha rag kuma wadatide go'aan Habar-jeclaysan gaar"

"War haday doonto Qabno ha ka degtee shirkan tegi mayno" Walaanan u hoos fariisanayn ninka Xamar jooga. Halkaas bay maanta taagan-tahay!